Eerste Posse en Afsprake

3 Maart 2010

Hoe begin jy 'n e-pos liefdesverhouding? Waaroor praat mens op 'n eerste afspraak? Terwyl eerste indrukke wel saak maak, kan mens eers langtermyn sukses bereik wanneer mens mekaar leer ken... Vir baie van ons lê die probleem in die verspotte manier waarop ons vlerksleep. Om op die eerste afspraak te gaan fliek is dalk maklik maar na twee ure in 'n donker teater waar jy nie mag praat nie, gaan jy niks leer oor jou nuwe moontlike pasmaat nie.

Die beste manier om iemand te leer ken is om te gesels en die persoon aan te moedig om oor hom of haarself te praat. Hier's ons top 10 lys van dinge om oor te gesels (dit mag baie meer ontbloot as wat jy ooit verwag het):

  • Wie bewonder jy? Waarom?
  • Vertel my meer oor jou familie, is daar iets wat jy sou wou verander?
  • Wat is jou waardevolste besitting?
  • Wat is jou grootste prestasie?
  • Is daar iets wat jy al jare lank oor droom om te doen? Waarom het jy dit nog nie gedoen nie?
  • Waar sien jy jouself oor 10 jaar?
  • Wat is jou sterkpunte? ... en swakpunte?
  • Wat maak jou kwaad of depressief?
  • Watter tipe verhouding soek jy?
  • Waar sal jy graag wil woon?
Vat dit rustig en vra net een of twee vrae per e-pos of afspraak. Jy wil nie hê dit moet soos 'n ondervraging klink nie. Sterkte!